.jpg)
बलिउड जोडी मलाइका अरोरा र अर्जुन कपुर अलग भएको हल्ला चलिरहेको छ । सात वर्षसम्मको प्रेम सम्बन्धपछि उनीहरू छुट्टिएका हुन् ।
यसैबिच कुशाले आफू र अर्जुनबिच केही नभएको बताएकी थिइन् । सो हल्ला चलेको केही समयपछि अर्जुनले मलाइकाको जन्मदिनमा रोमान्टिक तस्बिर शेयर गरेपछि ब्रेकअपको हल्ला बन्द भएको थियो । तर अहिले फेरि दुईबिच ब्रेक अपको खबर आएको छ ।
हालै मलाइका र अर्जुनले सामाजिक सञ्जालमा ‘क्रिप्टिक’ पोस्ट शेयर गरेका थिए । मलाइकाले इन्ष्टाग्रामको स्टोरीमा विश्वको सबैभन्दा ठुलो धन आफूलाई माया र सहयोग गर्ने मान्छे हुन् भनेकी छिन् ।
यी मानिसलाई किन्न वा विस्थापित गर्न नसकिने अनि हरेकसँग केही मात्रै यस्ता मानिस हुने पोस्टमा बताइएको थियो । उता अर्जुनले पनि ‘हामीसँग जीवनमा २ विकल्प हुन्छन् : विगतको बन्दी भएर बस्ने कि भविष्यको सम्भाव्यताहरू खोज्ने’ भन्दै पोस्ट गरेका थिए ।
आफ्नो सम्बन्धबारे मलाइका र अर्जुनले औपचारिक रूपमा केही पनि भनेका छैनन् । सन् २०१९ मा अर्जुन कपुरको जन्मदिनमा मलाइका र अर्जुनले आफ्नो सम्बन्ध सार्वजनिक गरेका थिए ।
