काठमाडौँ । मधेस प्रदेशसभा सदस्य एवं माओवादी नेता रहबर अन्सारीले पार्टी छाडेका छन् ।

बिहीबार प्रचण्डलाई पत्र पठाउँदै अन्सारीले पार्टी त्यागेको घोषणा गरेका हुन्। पत्रमा उनले साहस, इमान र जोखिम तीनै कुरा पार्टीले त्यागिसकेको भन्दै यो विरोधाभासको हिस्सा आफू बन्न नसक्ने उल्लेख गरेका छन् । 

‘यो गीत अब तपाईंको स्मृतिमा मात्र बाँकी छ । साहस, इमान र जोखिम तीनै कुरा पार्टीले त्यागिसकेको छ । म यो विरोधाभासको हिस्सा बन्न सक्दिनँ । यसै बोधका साथ म पार्टी सदस्यताबाट समाजवादी क्रान्ति जिन्दावाद भन्दै बिदा लिन्छु’, राजीनामापत्रमा भनिएको छ ।