काठमाडौं । नेकपा एमालेको अबको नयाँ नेतृत्वका लागि झण्डै २२ भण्टा लगाएर मतदान प्रक्रिया सकिएको छ । बुधबार बिहान ९ बजेदेखि शुरु भएको मतदान प्रक्रिया बिहिबार बिहान ७ बजेसम्म जारी थियो । रातभर पनि महाधिवेशन प्रतिनिधिहरु मतदान प्रक्रियामा सहभागी भएका थिए । एमालेको निर्वाचन आयोगका अनुसार मतदान प्रक्रिया सकिएको छ । अब केहीबेरमा 

बन्दशत्रस्थल भृकुटीमण्डपमै मतगणना गर्ने तयारी निर्वाचन समितिले गरिरहेको छ । मतगणनाका केही प्राविधिक पक्ष मिलाएर तत्काल मतगणना गर्ने एमालेको निर्वाचन आयोगले जानकारी दिएको छ । 
कुल २२६३ महाधिवेशन प्रतिनिधि एमालेको नयाँ नेतृत्व चयनका लागि मतदाता थिए । जसमध्ये २२२७ जनाले मतदान गरेको निर्वाचन समितिले जनाएको छ । ३६ जना मतदाता भने मतदान प्रक्रियामा अनुपस्थित भएका छन् । मतदानका लागि ८० विद्युतीय मेसिनको प्रयोग गरिएको थियो ।

अब अहिले मतगणनाका लागि ८० वटै मेसिनको फरक(फरक मुचुल्का तयार गरिँदैछ । त्यसपछि मतगणना सुरु हुने आयोगले जनाएके छ । मतगणना सुरु भएको बढीमा ३ घण्टामा परिणाम आउने एमालेको निर्वाचन आयोगले जनाएको छ । 

अहिले हरेक मेसिनको छुट्टाछुट्टै मुचुल्का तयार गर्ने काम चलिरहेको छ । त्यसपछि हरेक मेसिनमा कति मत खसेको भन्ने प्रतिनिधि र मत संख्या रुजु गर्ने काम हुनेछ । सँगै त्यो रुजु भईसकेपछि ८० ओटै विधुतिय मेसिनलाई लक गरिनेछ । त्यसपछि हरेक विधुतिय मेसिनबाट त्यसमा लक भएको चिप्स निकालेर अलग अलग खामबन्दीमा मेसिनको नम्बरसहितको चिप्स राखेर खामबन्दी गरिने आयोगले जनाएको छ । 

कलेक्सन भएका सबै खामहरुलाई फेरि एउटै खाममा नम्बरिङ गरेर प्याकिङ गर्ने काम हुनेछ । त्यसपछि भने बल्ल मतगणनाको प्रक्रिया अगाडी बढ्नेछ । मतगणनाका लागि  अध्यक्ष, महासचिव उम्मेदवारका प्राविधिक, एक जना प्रतिनिधि, मेसिनका प्राविधिकहरु र निर्वाचन आयोगका प्रतिनिधिहरुको रोहबरमा मतगणना सुरु गरिनेछ । 

त्यसको बढीमा तीन घण्टामा परिणाम सार्वजनिक हुने आयोगले जनाएको छ । एमालेले आजै महाधिवेशन समापन घोषणा कार्यक्रम पनि त्यही भृकुटीमण्डपमा नै राखेको छ ।

मत परिणाम सार्वजनिक गर्ने, निर्वाचित पदाधिकारी तथा सदस्यहरुलाई प्रमाणपत्र वितरण गर्ने र शपथग्रहण गर्ने कार्यक्रम भृकुटीमण्डपमै समापन कार्यक्रम अगाडी नै हुनेछ । एमालेको नयाँ नेतृत्वका लागि केपी शर्मा ओली र ईश्वर पोखरेल प्यानलसहित प्रतिस्पर्धामा छन् ।