काठमाडौँ । गायिका नितु पौडेलको आत्महत्या दुरुत्साहन मुद्दामा छानबिन गर्न प्रहरीले गायक बाबुल ९धनबहादुर० गिरीलाई पक्राउ गरेको छ । उनलाई आज साँझ पक्राउ गरिएको हो । जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले गायक गिरी पक्राउ परेको पुष्टि गरेका छन् । 

अनामनगरस्थित एक स्टुडियोमा आत्मदाहको प्रयास गरेकी गायिका नितु पौडेलको उपचारको क्रममा शुक्रबार बिहान मृत्यु भएपछि गायक गिरी पक्राउ परेका हुन् । पौडेलको कीर्तिपुरस्थित बर्न अस्पतालमा उपचार भइरहेको थियो ।

आफैंमाथि आगो लगाइरहेको अवस्थामा गायिका पौडेललाई गत शनिबार प्रहरीले उद्धार गरेर कीर्तिपुर बर्न अस्पताल पुर्‍याएको थियो । उक्त घटनामा गिरी पनि सामान्य घाइते भएका थिए ।

प्रहरीका अनुसार गिरी र पौडेल झन्डै ९ वर्षदेखि प्रेम सम्बन्धमा थिए । 
पछिल्लो समय उनीहरुका बीचमा खटपट आएपछि गायिका पौडेलले स्टुडियोमै गएर विवाहको प्रस्ताव राखेको तर गायक गिरीले नमानेपछि आत्मदाहको बाटो रोजेको बताइएको छ ।